வரவேற்பிதழ்
சென்னை தருமபுரம் ஆதீன,சமயப்பிரச்சார நிலையத்தில் 17.917 அன்று
நடைபெற்ற சைவசமயக் கருத்தரங்கிற்குத் தலைமை தாங்கிய
கல்யாணபுரி ஆதீனம், குரு மஹா சன்னிதானம் தென்மண்டல சிவஞானமணி குரு ஸ்ரீமத் இராஜ சரவண மாணிக்கவாசக குருதேசிக பரமாச்சாரிய சுவாமிகள்
அவர்களுக்கு அளித்த வரவேற்பிதழ்
உலகம் போற்றும் பலகலை வாழ்த்தும்
உலகின் பேரொளி உயர்நல் ஆதவ !
அலகில் சோதியன் அம்பலத் தாடுவான்
மலரிணை சிலம்படி மனத்துள் கொண்டவ!
கலையும் கடவுள் ஆகமும் காலத்தால்
நிலைக்கும் நற்பணி ஆற்றும் தலைவ!
ஏழை எளியோர் என்னுடைச் சுற்றம்
வாழும் வகையளி வற்றா வள்ளலே!
சூழும் மக்கள் சொல்லிடும் துன்பம்
ஏழும் கேட்டு, இனிய முகத்துடன்
வாழும் வழியை வளமாய் வழங்குபவ!
பாழ்படு மனத்தோர் பரம்பொருள் அறிந்திட.
பாழகல் தீக்ஷை பாரெலாம் அளிப்பவ!
நான்மறை வித்தக! தேன்தமிழ்த் திருமுறை
ஞானமணி! சாத்திர தர்மத்தின் ஞாயிறே!
எளியோர் விரும்பும் எஜமான் ஸ்வாமிகளே!
பொலியும் கல்யாண புரியில் திகழும்,
மாணிக்க வாசக மறைமுறைப் பரம்பரையே!
மாணிக்க வாசக தேசிக குருவே!
பூணணி புன்னகை இராஜ சரவணரே!
வணங்கியே தங்களை வரவேற் கின்றேன்.
மணங்கமழ் மலரடி போற்றினேன் போற்றி
17.92017
சென்னை இங்ஙனம்
கருத்துகள் இல்லை:
கருத்துரையிடுக